《盛女大作戰》之我見

個人認為《盛女大作戰》好無聊及無謂。我知好多人追看，得罪曬。個 point 係，咩年代呀，自由戀愛，乜愛情有得教架咩。Seriously，湊下熱鬧無傷大雅，但係唔好鼓吹一種反智的落後價值觀。你個樣只係你個人的一部分，唔係話國色天香就有拖拍囉，今日林煥光說得對，貶低曬女人的價值。參加者唔知咩心態，咁 desperate，出黎比人評頭品足。面係人地比，架係自己丟。仲有呀，路該唔好標籤唔結婚的女人為剩女，事實上，廿一世紀，單身係個人選擇囉。好多人唔係無得結，而係唔結囉，唔好站在高地，講到人地好可悲咁。家下人地自給自足，又唔使你養。不過《盛女大作戰》係有佢ge價值ge，就係大學 d cultural studies / gender studies 好好的 course materials 囉，所以各文化人宜家爭相寫文章，大時等人地有得 quote下。但我好厭倦其舖天蓋地的報道，好煩。